Noon at Ngayon: Matapos ang 5 Taon

Limang taon pagkatapos ng graduation mula sa kolehiyo, kaya ko nang ilista ang ilan sa mga napansin kong pagbabago sa aking pamumuhay at pangarap. Mas minabuti kong ilista na lamang ang mga ito sa pamamagitan ng talahanayan kung ano ang nagbago mula noon at ngayon batay sa pamantayan na itinakda.

	NOON	NGAYON
Kakayahang magsulat	Mas nakakapagsulat sa tahimik na lugar. Walang bumubulabog at walang kumakausap habang nasa kalagitnaan ng pag-iisip. Tipong nasa kulob at dapat walang maririnig na kaluskos na likha ng mga nasa paligid. Sarili ang source ng ingay.	Mas komportable na sumulat sa maingay at magalaw na lugar. Dapat karamihan sa nakikita ko ay gumagalaw na pwedeng obserbahan. Yung may pagtawanan at isipin kung bakit ganoon ang tendencies ng mga tao. Mas malakas din ang tugtog, mas okay.
Kapasidad sa alak	Kayang umabot ng umaga habang umiinom ng gin at banlaw ng beer. Hindi ramdam yung pagod sa klase dahil ang alak ang pahinga.	Hindi na kayang mag umaga at mas okay kung beer na lang ang iinumin. Ramdam na yung pagod kaya ang alak ang solusyon para makatulog nang mahimbing.
Kapasidad ng katawan sa pagod	Pumapasok sa 7 AM na klase at buhay pa hanggang 12 AM kinabukasan o madaling araw pa para umattend ng meetings.	Di na kayang pumasok ng maaga. Pagod na pagdating ng hapon. Kapag gabi na, lupaypay na at mas maaga nang dapuan ng antok.
Paraan ng pagpunta sa lugar na may isang kilometrong layo (halimbawa lang)	Kayang lakarin at ibubuhos ang pahinga kapag nakarating na sa paroroonan.	Tinatamad nang maglakad dahil mas iniisip na ang masasayang na oras kung lalakarin. Sa halip, magta-tricycle o taxi kung wala na talagang choice.
Haba ng tulog	Full battery ang katawan kahit na 2 oras na tulog. Bawi na lang sa susunod na araw o sa makalawa.	Sapat ang 6 na tulog para masabing full battery ang katawan. Mas ramdam yung pagod kapag binabawi yung tulog.
Kagustuhang mag-aral	May option na mag-aral pero mas lamang ang paggawa ibang bagay na may kinalaman sa org, umubos ng oras sa tambayan para makipagkwentuhan, mag-phone, mag-ML, magsugal.	Halos maapakan na ang option ng pag-aaral dahil sa pagod kaya hindi na kaya. Daming interesanteng paksang pwedeng pag-aralan pero kumukupas pang matagalan ang kagustuhan dahil walang oras.
Choice sa Kape	Pwede na ang 3 in 1 na kape o kaya coffee stick tapos maraming asukal.	Brewed coffee ang mas madalas na iniinom. Pag wala nang choice, dun lang magti-3 in 1. Syempre marami pa rin ang asukal.
Pangarap sa Buhay	Makapagturo sa liblib at malalayong lugar. Mas maaga, mas Maganda. Maging full time manunulat sa senior years.	Ganun pa rin naman pero mas maaantala lang.
Choice of Music	Pop. Basta yung groovy shit.	Rock. Pwede ring Sunday vibes na tugtugan.
Pagpili sa Pagkain	Hindi kumakain ng gulay. Kung kakain man ng gulay, dapat side dish lang. Meat at carbs lang kung alinman ang pasok sa budget.	Kumakain na ng gulay. Mas iba ang pakiramdam kapag nakakakain ng gulay kaysa sa puro meat at carbs lang. On the way na siguro ang pagkain ng prutas.

 - IPAGPAPATULOY -